স্বচ্ছতা আনুষঙ্গিক - হিমাশ্ৰী বৰা

টোপোলাটো নি দলিয়াই দিওঁতে 

মোৰ ওভতি চাবৰ নহ'ল 

পানী যোৱা নলাটো অৱশ্যে আমাৰ সুবিধাতে খন্দাইছিল।

থুঃ ! ইমান লেতেৰা গোন্ধ

চেহ্ ! আঁকি থোৱা দেৱালখন নষ্ট 

ভাইটোৰ ডেংগু হ'লত

আয়ে কপাল চপৰিয়াই কান্দিলে 

ঘৰখনৰ পৰা এতিয়াহে পানীৰ ডোঙাবোৰ গুচিছে।

সোণ অ' , ঘৰত শিকা নীতি-নিয়মবোৰ মানি চলিবি

তথাকথিত আধুনিক হোৱা সোণৰ ছালত এতিয়া

খৰ-খজতিৰ ব্যাপ্তি।

হাইজেনিক জীৱন আজিও কাৰ দুঃস্বপ্ন ? 

ঘেদোৱা পানী পি কোনে পুহে অমৃতৰ লক্ষ্য ?

কথাই-কামে,মনে-মুখে নিকা হোৱাৰ মন্ত্ৰ 

লোকচক্ষুৰ আঁৰত কোনেবা কটায় জীৱন দুৰ্বিষহ !